Lankidetza hitzarmena Gipuzkoako Sendagileen Elkargoaren eta IMQ osasun aseguratzailearen artean

24.05.2021

Gipuzkoako Sendagileen Elkargo Ofizialak IMQrekin duen hitzarmena berritu du oraintsu,  elkargokideen osasuna baldintza abantailatsuagoetan zaintzen jarraitzeko. Izan ere, hitzarmen horri esker, 70 urteko arteko —osasun-aseguruetatik kanpo ohi dagoen adin-tartea—, profesional medikoei osasun-estaldura emateaz gain—, hobekuntza gisa, Oro modalitatea sartu da, Azul modalitatearen primak hobetu egin dira eta beherapen interesgarriak aplikatzen dira —bizitza guztirako eta poliza-modalitate guztietan— goiz kontratatzeagatik.

Gaur goizean Gipuzkoako Sendagileen Elkargo Ofizialeko presidente Manuel García-Bengoecheak eta Gipuzkoako IMQ negozio-kudeatzaile Roberto Azpiazuk sinatu duten hitzarmen horren arabera, IMQ-k osasun-laguntza eta ospitaleratze- nahiz istripu-aseguruak jarriko ditu 4.000tik gora profesional medikoen eskura; hortaz, elkargokideek, oso baldintza abantailatsuetan kontratatuko dute, haientzat eta familientzat beren beharretara hobekin moldatzen den osasun-asegurua. Zeren eta zaintzaileak zaintzea baita gaur egun IMQren gizarte-lehenentasunetako bat, harrotasunez eta arduraz hartzen duena.

Hauek dira, besteak beste, akordio horrek eskaintzen dituen abantailetako batzuk: mediku (familiakoak zein espezialitatekoak) eta zentro ugariren artean aukeratzeko askatasuna, itxarote-zerrendarik gabeko arreta, arreta pertsonalizatua eta kontsulta-ordutegi ugarikoa eta abangoardiako teknologiadun asistentziaren kalitatea.  

Gipuzkoako sendagileen erakundeak jarritako konfiantza eskertu du IMQ-k, elkargokideei IMQ Activa, IMQ Azul eta IMQ Oro polizak izateko aukera emanez; halaber, Zurriola Zentro Mediko Kirurgikoa jarri du haien zerbitzura, eta zentroa duela gutxi handitu denez, 1.000m² ditu Donostia erdialdean: instalazio modernoak, teknologia mediko aurreratuena eta osasun-arreta osoa, segurua eta espezializatua emateko beharrezko asistentzia-ekipamendua. 50 profesionalek baino gehiagok ematen dute arreta, 27 espezialitatetakoek, eta kirurgia handi anbulatorioa egiteko aukera ere badago bertan.

Gaur egun, IMQ-k 1.000tik gora enpresen eta 380.000 asegurudunen konfiantza du. Gipuzkoako Sendagileen Elkargo Ofizialak, bestetik, akordio hori sustatuko du Gipuzkoako 4.200 sendagile baino gehiagoren artean .