IMQ Zurriola Osasun Zentroa, 10 urte kalitate ziurtatudun osasun arreta pertsonalizatu oso baten zerbitzura

18.12.2023

Beti osasun-arreta pertsonalizatua, pazientea xede izanda, eskaintzeko eredua gogoan, familia-medikuaren bisitatik hasita, era guztietako proba diagnostiko eta terapeutikoak egitera, kirurgia anbulatorioa barne, asistentziaren kalitate eta segurutasun handiena erreferentziatzat hartuta, Donostiako IMQ Zurriola Osasun Zentroak hamargarren urteurrena ospatu du oraindik orain. 70etik gora pertsona bertaratu dira hori ospatzera, eta, ospakizunaren barruan, zentroko instalazioak bisitatu dituzte eta bertoko profesionalei eta langileei omenaldia egin zaie.

Zurriolak 2013an ekin zion jarduerari ofizialki, Donostian, IMQ Talde barruko zentro polikontsultorio moduan, 38 profesionalekin eta 9 administrarirekin, 24 espezialitate medikotara zerbitzu emateko. 600 metro koadroko lokal batean dago zentroa, Gros auzoan, eta orduan zerbitzu hauek zituen: 9 osasun-kontsulta; fisioterapia-gunea; erizaintza-gunea; erradiologia-gunea, erresonantzia magnetiko irekia eta guzti; eta kirurgia-gunea, zeinak ebakuntza-gela bat eta anestesia ondoko bizkorketarako unitateko (ABU) 3 gela dituen. Urte hartan, zentroak 9.124 ekintza mediko egin zituen, gehienak, kontsultak.

Gaur egun, asistentziek 76.173 ekintza mediko barne hartzen dituzte, eta IMQ Seguros babespean, 870 metro koadroko instalazio batean ematen ditu zerbitzuak Gipuzkoan, hala nola 14 kontsulta mediko, fisioterapia-gunea, eta horren barruan, 2 box bereiz pelbis-zoruaren tratamenduetarako, erizantza-gunea, errediologia-gunea, erresonantzia magnetiko irekia eta guzti, eguneko ospitalea, kirurgia-gunea duena, zeinak ebakuntza-gela bat eta anestesia ondoko bizkorketarako unitateko (ABU) 3 gela dituen, baita eguneko ospitalizaziorako 2 gela ere.

Instalazio horietan, gaur egun, 37 langilek eta 63 profesionalek lan egiten dute, 29 espezialitatetan, honela antolatuta:

• Lehen mailako arreta: Familiako Medikuntza, Pediatria, Psikologia, Podologia, Erizaintza eta Fisioterapia espezialitateak, pazienteak zentroan sartzeko ate gisa. Zerbitzuak etengabe ematen ditu 8:00etatik 20:00etara, lanegun guztietan, eta Larrialdiak eta Etxeko arreta ere ematen ditu.
• Arreta Espezializatua: Zuzenean ala Lehen mailako Arretak bideratuta eskuratzen da.
  • Espezialitate Medikoak: Kardiologia, Digestio-zerbitzua, Endokrinologia, Kirol Medikuntza, Medikuntza Estetikoa, Neumologia, Neurologia, Psikiatria eta Errehabilitazioa.
  • Espezialitate Kirurgikoak: Anestesia, Kirugia Orokorra, Kirurgia Plastikoa, Dermatologia, Ginekologia, Otorrinolaringologia, Oftalmologia, Traumatologia eta Urologia.
  • Unitate Funtzionala: Minaren Tratamendua, Medikuntza Estetiko Aurreratua (aurpegia gaztetzea eta gorputza birmoldatzea), Medikuntza Birsortzailea (plaketa ugariko plasma), Erradiologia Interbentzionista Muskuloeskeletikoa (ziztada eta xurgapen ekogidatuak, besteak beste) eta Gorputz-kaltearen balorazioa.
• Laguntza Asistentzialeko zerbitzuak
  • Analisi klinikoen eta anatomia patologikoaren laborategia. Covid-19 probak ere egiten dira.
  • Erradiologia konbentzionala, ortopantomografia, mamografia, dentsitometria, ekografiak eta bereizmen handiko erresonantzia magnetiko nuklear irekia (RMN), zeinari esker, azterketa konbentzionalak ez ezik, paziente klaustrofobikoei, obesoei eta haurrei egiten zaizkien azterketak ere egiteko.
  • Errehabilitazioa, fisioterapia muskulueskeletikoa eta pelbis-zoruko fisioterapia-tratamenduekin; hezur- eta muskulu- talka-uhinen tratamenduak.
  • Hauek ere egiten dira: espirometriak, arnas poligrafiak, elektrokardiografia, esfortzu-probak, elektromiografia, Helicobacter Pilory detektatzeko hats-testa eta elikadura-intolerantzien

Halaber, zentroko zerbitzu nagusienetako bat Bloke Kirurgikoa da. Honela hornituta: ISO 6 (segurtasun gorena) ziurtagiria duen ebaluntza-gela bat eta anestesia ondoko errekuperazioko 3 gela, kirurgia anbulatorioak egiteko, kirurgia handikoak nahiz txikikoak, eta endoskopiak egiteko (begi-lausoak, bitrektomiak, gainazaleko eta sakoneko tumoreak erauztea, eta eskuko eta oineko ebakuntzak, besteak beste).

Bestetik, kalitatearen kudeaketari eta pazientearen segurtasunari buruzko AENOR ziurtagiriak ere baditu, ISO 9001:2015, eta Arriskuen Kudeaketari buruzko UNE 179003.

IMQ Zurriola zentroak asistentzia-jarduera ez ezik, prestakuntza-jarduera ere badu profesional berrientzat, eta gogoz ari da elkarlanean Deustuko Unibertsitatearekin Medikuntza, Erizaintza eta Fisioterapiako ikasleak prestatzen, Euskal Herriko Unibertsitatearekin, Fisioterapiako ikasleak trebatzen, eta Lanbide Heziketako zentro batzuekin Erradiologiako teknikari espezialistak prestatzen.