Urtea ilusioz eta irribarre batez amaitzeko

29.12.2023

IMQ-k sustatzen dituen tratamendu pediatrikoak biguntzeko ahaleginari bultzada emateko Athletic Clubekin eta Athletic Club Fundazioarekin sinatu duen hitzarmenaren esparruan, Athletic Clubeko gizonezkoen lehen taldeko bi jokalarik eta emakumezkoen lehen taldeko bi jokalarik Euskadiko osasun-zentro pribatu nagusia den Bilboko IMQ Zorrotzaurre Klinikan arreta hartzen duten umeei bisita egin diete gaur goizean.

Gizonezkoen taldeko Mikel Vesga eta Dani García jokalariak eta emakumezkoen taldeko Itxaso Uriarte eta Patricia Zugasti jokalariak osasun-zentrora bertaratu dira, Athletic Clubeko beste kide batzuekin, eta han IMQ-ko eta klinikako ordezkariek hartu dituzte.

Klinikan egon diren bitartean, lehoiek eta lehoi emeek Larrialdi Pediatrikoen zerbitzua bisitatu dute, eta umeen eta nagusien mirespena eta aintzatespena hartu dituzte; ondoren, osasun-zentroko Ama Berrien Atalera joan dira eta beren jaioberriekin dauden familiekin mintzatu dira. Osasun-zentroan zehar, heldu ospitalizatuak ere harritu eta poztu dituzte jokalariek eta klubek kideek, ohiz kanpoko bisita horrek ustekabean harrapatu baititu.

Lehoien eta lehoi emeen bisitak amaiera bikaina eman die IMQ Zorrotzaurre Klinikak Eguberrietan egindako ekimenei: Eguberrietako apaingarrien lehiakieta, zentroko osasun-zerbitzuetan; musika-terapia jarduerak, Ama Berrien eta Onkologia Ataletan; jostailuak eta jantziak biltzeko kanpaina solidarioak, eta pazienteen menuak Eguberrietako tradizioetara egokitzea, ospitaleko egonaldia gozatzeko helburuz.

IMQ Kliniketako Kalitate eta Segurtasun Klinikoko zuzendari Isabel Urrutiak bisitan esan zuenez,«Gauza jakina da Athletic Clubek bizkaitarren artean duen errotzea. Horrexegatik, Clubeko izarrak, gizonezkoen eta emakumezkoen taldekoak, Klinikako atetik sartzen ikustea harrigarria eta liluragarria izan da, batez ere, ume ospitaleratuentzat eta, hainbat arrazoi dela eta, gaur goizean Larrialdi Pediatrikoen zerbitzuan egon direnentzat. Umeen aurpegiak eta, zergatik ez esan, gurasoen eta profesionalon aurpegiak ikustea ordainezina izan da. Ume gaixoei zoriontsu egitea, Eguberrietan, gainera, opari ederra da beti, eta bene-benetan eskertzen diegu Clubari eta jokalariei».

IMQ, 25 urte Athletic Cluben osasun-aseguratzaile ofizial gisa

IMQ Athleticekin osasun-aseguratzaile ofiziala izateko duen lankidetzaren 25. urteurrena ospatzen ari izan da 2023. urtean. Izan ere, IMQ-k azterketa medikoak, proba diagnostikoak, espezielisten kontsultak eta kirurgiak egin ohi dizkie Lezamako kategoria guztietako futbolariei.

Era berean, osasun-laguntza ematen die San Mames estadioan partidak ikusten dituzten 53.000tik gora ikusleei, eta partida bakoitzean giza talde ugaria –ehun pertsona baino gehiago–, anbulantzia batzuk eta ekipamendu osoa jartzen ditu guztien eskura.

IMQ-k lagundu du, halaber, San Mamesek UNE 179.003 ziurtagiria lotzen, Osasun Arriskuen Kudeaketari buruzkoa. Izan ere, Athleticen futbol-zelaiak lortu zuen lehenen Europan osasun-segurtasunari buruzko ziurtagiri hori, eta aurtengo udan berritu egin du.

IMQ Athletic Cluben aseguratzaile mediko ofiziala ez ezik, Euskadiko kirol-klub nagusiena ere bada, hala nola SD Eibar, Bilbao Basket, Baskonia eta Deportivo Alavés taldeena, eta, besteak beste, Real Sociedad taldearekin ere ari da lankidetzan.