SEA-k eta IMQ-k Araban lan-absentismoa murrizteko aliantza berritu egin dute

14.03.2025

SEA Empresas Alavesas-ek eta Euskadiko osasun-aseguramendu pribatuko lider den IMQ-k beren lankidetza-hitzarmena berritu dute Arabako enpresa-ehunean osasuna eta ongizatea bultzatzen jarraitzeko helburuz. SEAko presidente Juan Antonio Sánchezek eta IMQ-ko negozio-garapeneko eta salmenta-kanaletako (ADN) zuzendari Luis Fernández de Larreak sinatu dute akordioa SEA Empresas Alavesas-en egoitza nagusian. Sinatzeko ekitaldira hauek bertaratu dira, halaber: SEAren aldetik, erakundeko zuzendari nagusi Juan Ugarte eta zuzendariondoko Aitor Otaola, eta IMQren aldetik, sozietateko Araba eta Gipuzkoako kudeatzaile Roberto Azpiazu eta enpresen exekutibo komertzial Iñigo Ramón.

Hitzarmena 2014ko uztailaren 1ean sortu zen, eta aurten hori berritzeko asmoa izan da lan-ingurune osasungarriagoa sustatzea, eta, horretarako, osasun-estaldura integrala ahalbidetzea. Akordio horrek Euskadiko zentro medikoen eta osasun-profesionalen sare pribatu nagusia jartzen du Arabako enpresaburuen eta enpresetako langileen eskura.

Aliantza estrategikoa lan-absentismoa ezabatzeko

Euskadiko lan-absentismoaren tasa gero eta kezkagarriagoa da gaur egun euskal enpresen artean. Adeccok egindako hiru hilez behingo txostenaren oraintsuko datuen arabera, Euskadik du Estatu espainoleko absentismo-tasarik altuena, % 9,8, aztertutako azken urteko hirugarren hiruhilekoan. Ehuneko horrek inpaktu ekonomiko itzela du EAEko enpresetan, hain zuzen, 1.400 milioi eurotik gorakoa urtean, Confebask-en datuen arabera.

Testuinguru horretan, hortaz, SEA eta IMQren arteko hitzarmena berritu izana oso garrantzitsua izan da. Izan ere, osasun pribatua langileek gehien baloratzen duten gizarte-onuretako bat; izan ere, oinarrizko zerbitzu medikoak azkar eta eraginkortasunez eskuratzeko aukera ematen du, eta horrek zuzenean laguntzen du laneko bajak murrizten.

Juan Antonio Sánchezek hau nabarmendu du akordioa berritzea sinatzeko ekitaldian: "Hitzarmena funtsezko tresna da gure enpresa elkartuentzat. Osasun-arreta azkar eta eraginkortasunez eskuratzeak aukera ematen du laneko absentismoa nabarmen murrizteko eta enpresen produktibitatea hobetzeko. Gainera, talentua atxikitzeko eta enplegatzaile gisa dugun erakargarritasuna hobetzeko gaitasuna indartzen du".

Bestetik, Luis Fernández de Larreak hau azpimarratu du: "IMQ-k 90 urte baino gehiago darama Euskadiko osasun integralarekin konprometituta. Akordio horri esker, gure zerbitzu mediko aurreratuak Arabako enpresetara hurbiltzen jarrai dezakegu, haien lehiakortasuna hobetzen lagunduz, laneko ongizatea hobeto kudeatuta".

Era berean, azpimarratu beharra dago IMQ-k laguntzaile pribatu bakar gisa kolaboratu duela laguntza aktiboa ematen eta partaidetza esklusiboaz, SEAk antolatzen eta batik bat OSALANek babesten dituen Enpresa Osasungarria Sarien bosgarren edizioan. Gainera, aurkeztu diren hautagaiak baloratzeaz arduratuko den epaimahaikideetako bat izango da IMQ.

Halaber, hitzarmena berritzean, SEA Empresas Alavesas-ek sustatutako Enpresa Nagusien Foroaren eskubide osoko kide izaten jarraituko du IMQ-k.

Zuzeneko onurak enpresa eta langileentzat

SEA eta IMQren arteko hitzarmenaren eskutik, 2.000 enpresa elkartuk baino gehiagok osasun-estaldura pribatua eskaini ahal izango diete 40.000 langile ingururi eta zuzeneko senideei. Hortxe, hitzarmenaren abantailak:

• Euskadiko mediku-talde pribatu handiena eskuratzeko aukera.
• Berehalako eskuragarritasuna zentro propioetan, hala nola IMQ Amárica eta IMQ Abendaño zentroetan.
• Zerbitzu integralak, lehen mailako arretatik hasita ospitalizazio espezializatura.
• Berrikuntza teknologiko etengabea telemedikuntza aurreratuaren eskutik (berehalako bideokontsulta medikoa, online txat medikoa eta AAz lagundutako fisioterapia digitala).
• Modu gehigarrian aseguru osagarriak kontratatzeko aukera, hala nola osasun-laguntza bidaietan edo laneko arriskuen prebentzioa.

Aseguru mediko pribatu bat izateak onura argiak dakarzkie enpresei eta haien giza taldeei, esate baterako:

• Lan-absentismoa nabarmen murrizten da: aseguru pribatuek aukera ematen dute diagnostiko azkarrak eta tratamendu arinak, baja luzeak saihesten dituztenak, egiteko.
• Lan-giroa hobetu egiten da: langileek asko baloratzen dute gizarte-onura gehigarri hori, zeinak laneko gogobetetasuna eta enpresarekiko konpromisoa areagotzen dituen.
• Talentua erakarri eta atxikitzea: aseguru mediko pribatuak eskaintzen dituzten konpainiak erakargarriagoak dira talentu kualifikatua erakartzeko.
• Produktibitatea hobetzen da: absentzia-tasa txikiagoek egonkortasun operatibo eta enpresa-errendimendu handiagoa dakartzate.
• Irudi korporatibo positiboa: osasunaz arduratzen diren enpresek erantzukizun sozial korporatiboa erakusten dute, eta beren entzute publikoa hobetu egiten dute.

Juan Antonio Sánchezen hitzetan: "SEAn apustu sendoa dugu laneko ongizatea hobetzen duten ekimenen alde, uste baitugu osasunean inbertitzea zuzenean lehiakortasunean inbertitzea dela.

Luis Fernández de Larreak hau adierazi du: "IMQn enpresa bakoitzari egokitutako konponbide berritzaileak eskaintzen ditugu. Zerbitzu digital aurreratuen alde egin dugu apustu, hala nola bideokontsulten edo AAz lagundutako fisioterapia digitalaren alde. Horiei esker, edozein arazo medikori azkar erantzun diezaiokegu, baja luzeak eragin baino lehen".

Azken finean, SEA eta IMQren arteko hitzarmena berritu izana apustu estrategiko handia da Araban lan-absentismoa eraginkortasunez ezabatzeko. Euskadik Estatuko tasarik handiena (% 10 inguru) duen testuinguru horretan,  horrelako ekimenek milaka langilek jasotzen duten asistentziaren kalitatea hobetzeaz gain, bertoko enpresen lehiakortasuna zuzenean indartzen dute.

Berritu den akordio horren eskutik, bi erakundeek konpromisoa berretsi dute enpresa-eredu osasungarriago eta lehiakorragoa izateko, zeinean langileak zaintzea enpresen emaitzak ere zaintzearen sinonimo zuzena den.