Lankidetza hitzarmena, IMQ Seguros eta Gipuzkoako Aseguru Artekarien Elkargoaren artean

01.03.2021

Igualatorio Médico Quirúrgicok (IMQ) lankidetza-hitzarmena sinatu du Gipuzkoako Aseguru Artekarien Elkargoarekin gaur, horren Donostiako egoitzan.

Hitzarmen horri esker, bi erakundeek elkarrekiko harremana eta baterako lana indartuko dituzte eta, aldi berean, aseguratzaileak artekaritzarako ezarriko dituen hobekuntza-jarduerak eta egitasmoak zabalduko dituzte, Artekarien Elkargoaren komunikazio-kanalen bitartez, 170 elkargokideek Euskadiko osasun-konpainia liderraren erreferentzia izan dezaten.

Gipuzkoako Aseguru Artekarien Elkargoaren izenean, erakundearen buru Xabier Saizar izan da hitzarmenaren sinaduran, eta IMQren izenean, negozio-garapen eta salmenta-kanaleen zuzendari Luis Fernández de Larrea, baita IMQren Gipuzkoako arduradun berria, Roberto Azpiazu Lasuen, eta artekaritza-kanalaren arduraduna, María Gaubeka, ere.

IMQ-k Roberto Azpiazu sartu du Gipuzkoako Negozio Kudeatzaile lanetan

Roberto Azpiazu otsailean hasi da euskal aseguratzailean Gipuzkoako negozio-kudeatzaile lanetan, aseguru-sektorean 33 urte baino gehiago aritu ostean.

Roberto Azpiazuk, 56 urtekoak, Aurora Polar Seguros-en hasi zuen jardunbide profesionala, eta 10 urte eman zituen aseguratzaile horretan lan egiten. Ondoren, Seguros Lagun Aro aseguratzailean lan egin zuen beste 13 urtez. Jardunbidearen azken zatia Zurich Seguros-en eman du, hainbat erantzukizuni aurre eginez: Artekarien Kanalaren kudeatzaile komertziala, 2010etik 2012ra bitartean; Artekarien Kanalaren lurralde-zuzendari komertziala, 2012tik 2013ra bitartean, eta Iparraldeko/Aragoiko Artekaritza Kanalaren lurralde-zuzendari komertziala, 2013tik 2015era bitartean. Azken etapan, 2016tik aurrera, IMQn lan egiten hasi denetik,  administratzaile bakarra izan da Zurich Seguros-en agentzia esklusibo finantzak eta aseguruak kudeatzeko Baqué S.L. sozietatean.

Prestakuntza du artekaritza- eta enpresa-aseguruetan, merkataritza-jarduerako ereduetan, antolaketa lidergoan, aldaketa eta plangintzaren kudeaketan eta merkataritza-jarraipenean, besteak beste. Taldean lan egiteko eta lidergorako gaitasuna, hobetzeko grina eta helburu eta emaitzetarako orientazioa nabarmentzen zaizkio, besteak beste.