IMQ-k eta Grupo Scanner Vizcaya-k erradiologiako diagnostiko zentro berria zabaldu dute Bilbon

20.03.2024

Miaketa medikoen esparruan berritzeko eta pazienteei arretarik onena eskaintzeko ahaleginean, Grupo Scanner Vizcayarekin elkartu da IMQ diagnostiko-zentro berria martxan jartzeko. Bilboko Egia Jeneralaren kaleko 26. zenbakian dago zentro hori, eta miaketa-metodo aitzindariez baliatuta, abangoardia teknologikoaren alde egin du.

Zentro berriak (Egia Jeneralaren kalea 26) merkatuko ohiko erradiologiako teknologiarik aurreratuena du: X izpiak, mamografo bat, bi ekografo eta ortopantomografo bat, merkatuan erabilgarri dagoen teknologia diagnostiko aurreratuenez hornituta. Ekipamendu diagnostikoak irudiak eta txosten erradiologikoak kudeatzeko IMPAX sistemarekin konektatuta daude, eta horrek, zentro berri horretan egiten diren miaketa IMQ-ko asegurudunen historia erradiologikoan integratzea bermatzen du.

Zentro hori aurrerapauso handia da Bilbon eskaintzen diren arreta medikoko zerbitzuen hobekuntzan, eta azken belaunaldiko bi erresonantzia magnetikoz hornitutako Resonancia Magnética Bilbao zentroari (Egia Jeneralaren kalea 22-24) 2022ko abendutik dabilenari, gehitu zaio, IMQ-ko asegurudunei arreta osoa eta hurbila emateko.

Zentroak jendaurreko etengabeko ordutegia du, astelehenetik ostiralera, 10:00etatik 20:00etara; ordutegi horrek erosotasuna dakar, baita kalitatezko arreta azkarra ere, itxarote-zerrendarik gabe. Gainera, X izpien probak eta ortopantomografiak (hortzen erradiografia panoramikoak) aurretiko hitzordurik gabe egingo dira, pazienteek moldatzeko erraztasun handiagoa izan dezaten. Ekografiak eta mamografiak egiteko, aldiz, aurretiko hitzordua eskatu beharko da, telefonoz (944445376) edo mezu elektroniko bidez (radiologiabilbao@gruposcanner.biz).

Lokalak 230 m² inguruko azalera du, eta estrategikoki kokatuta dago, kalean bertan, bi solairutan banatuta. Solairu nagusia, 200 m²-koa, arreta handiz diseinatu da, arkitektura-oztoporik gabe, bai sarbidean, bai barrualdean; beheko solairua, 30 m²-koa, enpresaren barne-erabilerarako izango da. Harrera-lekua baliabide teknologikoez hornituta dago erabat, administrazioko langileek kalitatezko arreta eskaini eta ahalik eta segurtasun handiena bermatu dezaten pazienteen informazio pertsonalaren tratamenduan.

Azken belaunaldiko ekipamendu diagnostikoak

Bost makineria-gela ditu zentroak, eta horietan azken belaunaldiko ekipamenduak daude instalatuta, hala  nola:

• Agfa Rx Valory Floor X izpien ekipamendua. Hauetaz hornituta: Dura-Line detektagailuak eta irudiak prozesatzeko ‘MUSICA’ software-a, irudi-kalitate bikaina ematen duen teknologia aurreratua, diagnostiko erradiologikoetan emaitza zehatzak bermatzen dituena.
• General Electric Senographe Crystal Nova mamografoa. Parametroen (AOP) optimizazio automatikoa eskaintzen du, eta ezaugarri horri esker, segundoko kilovolten (kV) eta miliampereen (mAs) balio egokiak hauta daitezke, dentsitate erradiologikoaren eta bularraren lodieraren arabera; horrela, kalitate aparteko irudiak lortzen dira, erradiazio-dosi txikiez, dagozkien jarraibideetan eta araudietan (EUREF) ezarritako balioak baino nabarmen txikiagoak lortuta; hala, pazienteen segurtasuna eta ongizatea bermatu egiten dira.
• Hisense Medical HD60 ekografoa. Bikaintasun klinikoko estandarrak hobetzeko gaitasuna du ezaugarri, berrikuntza eta erabiltzeko erraztasuna bateratzen baititu. Profesionalei azken belaunaldiko teknologia ematen die hainbat medikuntza-arlotan miatu eta diagnostikatzeko.
• Esaote MyLab60 ekografoa: sistema ultrasonografikoa guztiz aurreratua, pertsonalizazio eta doitasun ahalmen handiagatik ezagutzen dena, diagnostiko zehatzak egiteko kalitate handiko irudiak eskaintzen dituena.
• Eta Sirona Ortophos XG5 DS CEPH ortopantomografoa. CEPH besoari esker, tele-errediografia digitalak egin ahal dira, eta, gainera, erradiazio-dosi oso txikia bermatzen du. Haren sentsoreak larruazal-eremu bakoitzeko segundo frakzio bat baino ez du behar, eta horrela segurtasunik handiena bermatzen da diagnostiko-prozesuan zehar.

Halaber, tokia gorde da IMQ eta Grupo Scanner Vizcaya erakundeen zentro berrian, etorkizunean beste teknika batzuk ezar daitezen, pazienteei ematen zaien zerbitzua osatu eta hobetzeko helburuz.