IMQ Seguros-ek Javier Maiztegui izendatu du zuzendari nagusi berri

27.11.2024

Igualatorio Médico Quirúrgico, S.A. de Seguros y Reaseguros (IMQ Seguros) erakundeko Administrazio Kontseiluak Javier F. Maiztegui Oñate izendatu du zuzendari nagusi berri gaur. Datorren urteko urtarrilaren 1etik aurrera egongo da karguan.

Maizteguik erretiroa hartuko duen Javier Aguirregabiria ordezkatuko du; aurrekoa 2019tik izan da karguan, eta IMQrekin lotuta jarraituko du, hain zuzen, Taldearen beste jarduera-arlo batzuen aholkulari gisa, esperientzia ugaria baitu erakundean.

Javier Maiztegui Ekonomia eta Enpresa Zientzietan lizentziaduna da, Deustuko Unibertsitatearen eskutik, eta hogeita hamar urtetik gorako esperientzia du aseguru-sektorean, zenbait zuzendaritza-kargutan, Euskadirekin oso lotuta. Halaber, finantza-sektoreko enpresen hainbat administrazio-kontseilutako kide izan da.

Maizteguik IMQ Seguros-en jarduera bultzatzen jarraituko du; izan ere, sozietatea, 90 urtez baino gehiagoz, Euskadiko osasun pribatuko lider gisa sendotu da, asistentzia-sare baten eta lehen mailako profesional mediko talde baten bidez gertuko eta kalitate goreneko zerbitzua emanez.

IMQ Seguros-ek Javier Maizteguiren zuzendaritzapean etapa berri bati ekingo dio, eta konpainiaren lidergoa eta bereizgarriak indartzea lehenetsiko du, Euskadiko bezeroentzat erreferente nagusia izateko helburuz, zerbitzuaren kalitatearen, mediku profesionalarekiko loturaren, talentuaren garapenaren eta pertsonen bizitzako etapa guztietan osasuna eta ongizatea zaintzeko osasun-produktuen eta zerbitzuen eskaintzaren berrikuntzaren bidez.