IMQ, belauneko kirurgia robotikoan erreferente, ROSA robotaren azken bertsioaren eskutik

14.07.2023

IMQ-k punta-puntako teknologiadun robot berria gehituko dio asistentzia-zerbitzuen eskaintzari: ROSA Robotaren azken bertsioa, Traumatologia eta Kirurgia Ortopedikoa espezialitatean erabiliko dena. Hasiera batean, belauneko kirurgiarako erabiliko da, baina aurreikusi da sorbalda, aldaketa eta bizkarrezurrean ere erabiltzea.

José Antonio Guerrero doktoreak lideratzen du proiektua, robotez lagundutako belauneko protesi bat jarri zuen lehen kirurgialaria Estatuan, IMQ-k azken medikuntza-teknologien abangoardian egoteko egin duen apustu sendoari jarraitutasuna emateko, pazienteen eskura baliabide aurreratuenak jartzeko asmoaz, hala nola tresnak eta asistentzia hobea, pertsonalizatuagoa. Horri esker, IMQ erreferente bilakatu da belauneko kirurgian Euskadin eta erkidego mugakideetan.

ROSA Knee laguntzaile kirurgikoa Zimmer Biomet-ek garatu du, eta kirurgialariari pazientearen anatomiaren xehetasun osoa ematen dio; hortaz, oso lagungarri zaio profesionalari erabakiak denbora errealean hartzeko, doitasun itzelarekin gainera (mm 1 eta gradu bateko aldakuntzak diskriminatzen ditu). Izan ere, robotari esker, zehaztasun handia lortzen da inplante artikularraren –partziala nahiz osoa– posizionamenduan, eta pazienteari onura handiak dakarzkio, esaterako, ez da eskanerrik egin behar ebakuntza aurreko plangintzarako, eta, beraz, ez da belauna irradiatu behar.

Abantaila asko ditu, hala nola ebakia txikiagoa denez, ehunei kalte txikiagoa egiten die, odol gutxiago ateratzen da eta, ondorioz, pazientea azkarrago sendatzen da.

Dena den, robotak berekin dakarren gertaera gogoangarriena, aro berri bati hasiera emango diona, protesiaren kirurgia paziente-motaren arabera pertsonalizatzeko ematen duen aukera da.

Robota IMQ Virgen Blanca Klinikan instalatuko da lehenen, eta IMQ Zorrotzaurre handitzeko lanak amaitu ondoren, horra eramango da. Eta hasieran robota belauneko moduluarekin erabiliko bada ere, geroago, sorbaldan, aldakan eta bizkarrezurrean erabiliko da, haren funtzionalitateak gehitzeko.

Gaur egun, IMQ klinikek badituzte teknologia hori erabiltzeko akreditatutako traumatologoak talde medikoan. Halaber, prestakuntza-prozedura dute tresna berri hori erabiltzeko beharrezko trebakuntza duten profesional-kopurua handitzeko.

Zorrotzaurre Klinikak, bestetik, pazienteen jarraipen pertsonalizatua egiteko MyMobility izeneko sistema eskuratu du. Pazientea aplikazio hori deskargatzen du mugikorrean, eta sistemak, azalpenezko bideoen bitartez, kirurgia aurretik eta ondoren zein zainketa eta ariketa egin behar duen esaten dio, oinkada-kopurua zenbatzen dio eta kirurgialariarekin txat bidez, egunero, edo bideokonferentzia bidez, aurretiko hitzordua eskatuta, harremanetan jartzeko aukera ematen dio.