Bizkaiko metalgintzako 35.000 langile baino gehiago izango dira osasun estaldura aurreratuaren onuradun

26.03.2025

IMQ, Euskadiko osasun-aseguruen arloko liderrak, eta Metalgintzako Enpresen Bizkaiko Federazioak (FVEM, gaztelaniazko sigletan) 2015etik indarrean dagoen elkarren arteko lankidetza-hitzarmena berritu dute. Akordio horrek Bizkaiko industria-sektore garrantzitsuenetako batean osasun-aseguramendua indartzen laguntzen du; izan ere, metalgintzako 35.000 langile baino gehiago eta FVEMko elkartekide diren 900 enpresa dira onuradun.

Osasun-aseguramendua aukera gero eta ugariagoa da euskal enpresen artean, horien aktibo baliotsuena, alegia, pertsonen osasuna, zaintzea lehenesten laguntzen dielako. Metalgintza bezalako lan-ingurune zorrotz batean, zerbitzu medikoak azkar eta eraginkortasunez eskuratzea faktore bereizgarria da, eta, hala, lehiakortasuna plantillen motibazioa eta ongizatea sustatzen ditu.

Osasun-asegurua da langileek gaur egun enpresetan eskaintzen zaizkienen artean gehien baloratzen duten gizarte-onuretako bat.

Izan ere, segurtasuna eta lasaitasuna ematen dute, langileek badakitelako behar dutenean badutela kalitate handiko osasun-zerbitzuak eskuratzeko aukera. Gainera, zerbitzu digital aurreratuek, hala nola bideokontsultek eta txat medikoek, malgutasun- eta erosotasun-plusa eskaintzen dute, eta hori bereziki preziatua da lan-ingurune zorrotzetan.

Hitzarmenaren abantailak: estaldura osoa eta zerbitzu digitalak

FVEMko presidente Begoña San Miguelek eta IMQ-ko negozio-garapen eta salmenta-kanaletako zuzendari Luis Fernández de Larreak sinatutako hitzarmenak, metalgintzako enpreseetarako bakarrik diren onurak barne hartu ditu. Hortxe, abantaila nagusiak:

• Osasun-estaldura osoa: lehen mailako laguntza, espezializatua, diagnostikoa, larrialdiak eta ospitaleratzea.
• Mediku-talde ugariena eskura: 1.800dik gora profesional eta Euskadiko zentro mediko propioen sare nagusia.
• Zerbitzu digital aurreratuak: bideokontsultak, txat medikoa eta doako programa prebentiboak asegurudunentzat.
• Asistentziaren malgutasuna eta kalitatea: itxaronaldirik gabeko kontsultak, ordutegi egokituak eta puntako osasun-teknologia.

FVEMko presidente Begoña San Miguelek hitzarmenaren garrantzia azpimarratu du: “Akordio hori funtsezkoa da gure langileen ongizatea bermatzeko eta sektorearen lehiakortasuna indartzeko. Gurea bezalako lan-ingurune zorrotz batean, osasun-zerbitzuak azkar eskuratu ahal izatea faktore bereizgarria da”.

Luis Fernández de Larreak, bestetik, hau nabarmendu du: “IMQ-k Euskadiko enpresa-ehunaren benetako premietara egokitzen diren osasun-konponbideak eskaintzearen alde egiten jarraitzen du. Hitzarmen horrek osasunarekin eta lan-ongizatearekin dugun konpromisoa islatzen du”.

Hitzarmen horren eskutik, IMQ-k Euskadiko osasun-hornitzaile pribatu gisa duen lidergoa indartzen jarraitzen du, eta, aldi berean, bertoko enpresa-sarea garatzen laguntzen du. FVEMek, bestalde, elkartutako enpresekiko konpromisoa berretsi du, bermatzen baitie baliabide diagnostikoak, kontsultak, ebakuntzak eta ospitalizazioak azkar eskuratu ahal izatea, baita pertsonen bizi-kalitatea eta lan-produktibitatea hobetzen dituzten prestazio aurreratuenak ere.