Osasun eta aisiako zerbitzuak eta zerbitzu soziosanitarioak bateratzen dituen lehenengo plataforma digitala abiarazi du IMQ-k

05.11.2019

• Baditu jada hainbat arlotako erreferente diren 200dik gora hornitzaileren 600 eskaintza baino gehiago.

IMQ Taldeak IMQ OndoIzan abiarazi du, hau da, pertsona batek eguneroko bizitzan izan ditzakeen behar askori –norberarenak nahiz familiarenak– erantzuteko sortu diren osasun-zerbitzuak, zerbitzu soziosanitarioak eta aisiako zerbitzuak bateratzen dituen lehenengo plataforma digitala.

Erabiltzaileei bizitza errazteko asmoarekin sortu da IMQ OndoIzan eta, horretarako, era askotako kezka, arazo eta zeregin desberdinei –errazenetik zailenera– ematen dizkie konponbideak, hiru arlotan (osasuna, aisia eta soziosanitarioa), ohi erabiltzen diren produktu eta zerbitzuen bitartez, beherapen bereziekin eta merkatukoak baino merkeagoak diren prezioen truke.

www.imqbienstar.es webgunean dago eskuragarri plataforma eta baditu jada hainbat arlotako 200dik gora hornitzaileren 600 eskaintza baino gehiago, eta etengabe gehituko ditu aukera berriak, esaterako, zerbitzuak modu geolokalizatuan emango ditu, bezeroak gertuen duen tokiko aukerak ematearren.

Ongizate, aisia eta astialdiaren gaineko proposamenak laguntza ederra izan daitezke familia eta lana bateragarri egiteko edo aisia eta gozamena hobetzeko, zeren eta hainbat zerbitzu baitu: mandatu-zerbitzuak, etxeko konponketak, haurtzaindegia,  etxerako zerbitzuak, informatika-zerbitzuak, online erosteko zerbitzuak, hotelak, jatetxeak edo bidaia-agentziak eskaintzen ditu, besteak beste.

Zerbitzu soziosanitariek adinekoei eta beren familiei laguntza ematekoak barne hartzen dituzte, hala nola, analisi klinikoak, proba diagnostikoak, erizaintza, fisioterapia, familia-medikuntza, ospitaleratzea ere, nahi izanez gero, horietako batzuk, etxean bertan.

Osasun-atalean, osasun-aseguruen polizen zerbitzuen osagarri direnak barne hartzen ditu plataformak, esaterako, analisi kliniko bereziak, gidatzeko baimena edo aisiako ontziko patroiaren baimena edo maskotak izatekoa lortzeko egiaztagiri psikoteknikoak, azterketa medikoak, kirurgia estetikoa, nutrizioa, obesitate-tratamenduak, fisioterapia, kontsulta espezializatuak profesional entzutetsuekin, eta abar, eta abar.

IMQko bezero direnei eta ez direnei eskaintzen zaizkie zerbitzuak, eta badirenei gaur egun osasun-poliza kontratatuaren estalduraren barruan ez dauden zerbitzu osagarriak estaltzen zaizkie.

Aukeratzen den zentroan edo kontsultan trukatzeko bonuak eskuratu eta deskargatzen funtzionatzen du plataformak, eta informazio ugaria du edonoiz, eskainitakoa eta horren baldintzak argi ezagut daitezen.

IMQ OndoIzan plataformak profesionalak eta zentroak bilatu, hautatu eta horien kalitatea eta kualifikazioa egitaztatzen ditu, eta plataformaren laguntzaile guztiak, asistentziakoak izan ala ez, arretaz hautatzen dira; guztiak entzutetsuak dira, jardunbide, profesionaltasun eta lan bikainagatik.

Azken finean, kalitatezko zerbitzuak dira, preziorik onenean, askotariko beharrak artatzeko, denbora aurrezteko edo bete-betean gozatzeko, lasaiago eta erosoago egoteko.